Ազգային վիճակագրական տվյալներով, այս տարվա հոկտեմբերին, սեպտեմբերի համեմատ, սպառողական շուկայում արձանագրվել է 1,2% գնաճ: Պարենային ապրանքների (ներառյալ ոգելից խմիչք և ծխախոտ) գները նույն ժամանակահատվածում աճել են 1,9%-ով, ոչ պարենային ապրանքներինը` 0,9%-ով, ծառայությունների ոլորտում սակագների գնաճը կազմել է 0,2%:
Այսօր «Հենարան» ակումբում ազգային վիճակագրական ծառայության գների վիճակագրության և միջազգային համադրումների բաժնի պետ Գուրգեն Մարտիրոսյանն ասաց, որ վերջին մեկ ամսում պարենային 13 ապրանքային խմբից 11-ում գնաճ է արձանագրվել, նվազել է միայն ձկնամթերքի գինը՝ 0,4 տոկոսով եւ շաքարավազինը ՝0. 2 տոկոսով: Ըստ նրա, 2,5-9,0% -ի սահմաններում աճել են ձվի, հացամթերքի, կենդանական և բուսական յուղերի, մրգի, բանջարեղենի և կարտոֆիլի գները: Այս տարվա հոկտեմբերին, 2011թ. հոկտեմբերի համեմատ, Հայաստանում գրանցվել է 3,4% գնաճ: Այդ թվում` պարենային ապրանքների գները (ներառյալ ոգելից խմիչք և ծխախոտ) աճել են 3,5%-ով, ոչ պարենային ապրանքներինը` 5,7%-ով, ծառայությունների սակագները` 2,3%-ով: Իսկ այս տարվա հունվար-հոկտեմբերին, նախորդ տարվա նույն ժամանակահատվածի համեմատ, պարենային ապրանքների գներն աճել են 2,4%-ով, ոչ պարենային ապրանքների գները` 2,0 տոկոսվ:
Պարոն Մարտիրոսյանի խոսքերով, 2012թ. հոկտեմբերին, սեպտեմբերի համեմատ, գրանցվել է սիսեռի` 1,0%, սպիտակաձավարի` 1,0%, ձավարի` 1,4%, բրնձի` 1,5%, հնդկացորենի` 1,5%, լավաշի` 1,7%, լոբու` 2,1% գնաճ:
Մսամթերքի ապրանքախմբում 2012թ. հոկտեմբերին, 2011թ. հոկտեմբերի համեմատ, գրանցվել է 3,2%, իսկ այս տարվա սեպտեմբերի համեմատ` 0,2% գնաճ: ԱՎԾ տվյալներով, այս տարվա հոկտեմբերին նախորդ տարվա նույն ժամանակահատվածի համեմատ, հացամթերքի 10,0% գնաճ է արձանագրվել,իսկ հոկտեմբերին, սեպտեմբերի համեմատ, գները թանկացել են 2,6% -ով: Այս ապրանքախմբի թանկացումները պարոն Մարտիրոսյանը պայմանավորեց բարձր ու առաջին տեսակի ալյուրի գների թանկացմամբ: Ըստ նրա՝ բարձրակարգ ալյուրը 2,9% -ով, իսկ առաջին կարգինը 3,6%-ով է թանկացել::
Կարդացեք նաև
Արփինե ՍԻՄՈՆՅԱՆ
