Ֆուտբոլի նախկին մեծ սիրահար, «Բրիսթոլ Սիթի» թիմի խաղացող Թոմ Ուիլյամսի նախկին կինը՝ մոդել Նիկոլա Մաքլինը, սկսել է ատել իր մարմինը: Նա հանդես է եկել տարօրինակ հայտարարությամբ՝ ասելով, որ իրեն այլեւս դուր չեն գալիս մեծ կրծքերն ու երկար ոտքերը: Իսկապես տարօրինակ է, քանի որ հենց երկար ոտքերն ու մեծ կրծքերը միլիոնավոր աղջիկների երազանքն են: Բայց Նիկոլան դրա համար պատճառ ունի. երկրորդ ծննդաբերությունից հետո նրա այդ բարեմասնությունները, գուցե, կորցրել են նախկին գեղեցկությունը: «Ինձ հագուստով, ավելի ճիշտ՝ առանց դրա, արդեն ընդունել են: Ժամանակն է նաեւ խելքի վրա էլ աշխատել», – հայտարարել է մոդելը, որն ամուսնուց բաժանվելուց հետո այլեւս ստադիոն էլ չի հաճախում: Հիմա նա սիրում է գիրք կարդալ եւ մոտոցիկլետ վարել:
Աշոտ ՀԱԿՈԲՅԱՆ
