ԱԺ սոցիալական հարցերի մշտական հանձնաժողովի նախագահ Հակոբ Հակոբյանը հայտարարել է, թե 35 հազար դրամ նվազագույն աշխատավարձը բավարար է սոցիալական խնդիրների լուծման համար։ «Բավարար է այդ բարձրացումը, գա 11 տոկոս աճ է կազմում», ասել է նա։
«ՉԻ» – Հակոբ Հակոբյանը հանրապետական է։ Կարելի էր այսքանով էլ սահմանափակվել ու այլևւս չմեկնաբանել նրա մտքերը, բայց ամեն դեպքում հետաքրքիր է՝ ի՞նչ է հասկանում նա «սոցիալական խնդիրներ» ասելով։ Չէ, 35 հազար դրամով, իհարկե, կարելի է որոշ կոմունալ վարձեր վճարել, օրական կես կարտոֆիլ ուտել եւ մի ոտքի վրա ցատկոտելով գնալ աշխատանքի (միայն մի «թայ» կոշիկի գումար է մնում), բայց համաձայնվեք՝ չի կարելի պնդել, որ այդ մարդու սոցիալական խնդիրները լուծված են։
Ի դեպ, նվազագույն աշխատավարձն, ինչպես հայտնի է, բարձրացել է 2500 դրամով՝ 32500-ից դաոնալով 35000: Հետաքրքիր է՝ մաթեմատիկայի ո՞ր օրենքներով է Հակոբ Հակոբյանը պարզել, որ 2500 դրամը 32500-ի 11 տոկոսն է: Չէ, բան չենք ասում, պարզապես մարդը հանձնաժողովի նախագահ է, կարոդ էր նաեւ կալկուլյատորից օգտվելու ձեւերն իմանալ։ Չնայած՝ երեւի չափից դուրս շատ բան ենք պահանջում։ Վերջին հաշվով՝ մարդը հանրապետական է։
«Չորրորդ ինքնիշխանություն»
