Քաղաքագետ Արմեն Աղայանը համոզված է, որ «Ժառանգության»եւ «Ազատ դեմոկրատների» ապահարզանով Րաֆֆի Հովհաննիսյանը փորձում է վերականգնել իր վարկը. «Փորձում է ցույց տալ, թե ինչ-որ մեկից խաբված է, թե «Ազատ դեմոկրատները» , եթե դուրս գան, կգան իր ընկերները՝ այն պատգամավորները, որ ոստիկանների հետ կռիվ էին տալիս»:
Քաղաքագետի բնորոշմամբ, «Ժառանգությունը» ոչ թե կուսակցություն, այլ անհատական քաղաքական նախագիծ էր, ինչ-որ չափով հաջողված. «Րաֆֆի Հովհաննիսյանի շուրջ հաջողվեց մի փոքր խումբ ձեւավորել, բայց հասկանալի է, որ այս անհատական ակումբները մեկ անձի սեփականություն են, ժամանակավոր բնույթ են կրում»:
Ըստ նրա, «Ժառանգության» «Ազատ դեմոկրատների» համագործակցությունը փոխադարձ ռեսուրսների օգտագործման հնարավորություն էր. «Ժառանգությունն» ուներ մեծ պարտքեր, փողի եւ խորհրդարանական ընտրությունները ֆինանսավորելու կարիք: Գուցե «Ժառանգությունը» հույս ուներ, որ «Ազատ դեմոկրատները» կֆինանսավորեին նաեւ նախագահական ընտրություններին, բայց պարզվում է՝ «Ազատ դեմոկրատների» համար «Ժառանգությունը» բեռ է, ինչո՞ւ պետք է ֆինանսավորեն նախագահական արշավ, որը ոչինչ չի տալիս»:
Կարդացեք նաև
Արփինե ՍԻՄՈՆՅԱՆ
