«Օգնիր երեխաներին» հասարակական կազմակերպությունը, որը հիմնադրվել է Երևանի Պետական Բժշկական Համալսարանի ուսանողների կողմից, նոյեմբերի 13-ին, ժամը 19-ին Արամ Խաչատրյան մեծ համերգասրահում կազմակերպում է յուրօրինակ բարեգործական համերգ: Համերգից ստացված հասույթը նվիրաբերվելու է մանկատների և անապահով ընտանիքների երեխաներին, հանգանակված գումարով կազմակերպությունը հոգալու է նրանց առաջնային կարիքները:
Տոմսերի արժեքը` 1000-4000 դրամ է, համերգին ելույթ են ունենալու` Հայաստանի ազգային նվագարանների պետական նվագախումբը ( նվագախումբի գեղարվեստական ղեկավար և գլխավոր դիրիժոր, պրոֆեսոր, Հայաստանի Հանրապետության վաստակավոր արտիստ`Նորայր Դավթյան), երգիչ-կատարողներ: Տոմսերի համար կարող եք զանգահարել` 091-95-50-95:
Ի դեպ, նշենք, որ 2012թ-ի Հունիսի 1-ին ևս «Օգնիր երեխաներին» ՀԿ-ն Գրողների միության դահլիճում նույնպես բարեգործական համերգ էր նախաձեռնել , որտեղ հանդես էր եկել «Նարեկացի» նվագախումբը` Արամ Թալալյանի գլխավորությամբ:
Միջոցառման ընթացքում տեղի ունեցած հանգանակությունից ստացված գումարը նվիրաբերվել է քաղցկեղով հիվանդ երեխաներին:
