Տարածաշրջանային հետազոտությունների կենտրոնի տնօրեն, քաղաքագետ Ռիչարդ Կիրակոսյանը, խոսելով ներքաղաքական իրավիճակի մասին, ասաց.
«Եթե նայենք Հայաստանի նախագահական ընտրություններին, ապա ընտրություններն իրենք ավելի կարեւոր են, քան դրանց արդյունքները»: Ըստ քաղաքագետի՝ ԲՀԿ-ի եւ ՀՀԿ-ի միջեւ հակասություններ կան, որը կարող է հանգեցնել մարտահրավերի, երբ առաջ գան սեփական թեկնածուները: Ես չգիտեմ, թե նրանք ինչ են մտածում կամ մտածում են՝ ընդհանրապես, բայց ոչ մի քաղաքական արշավ չեմ տեսնում: Ավելի շատ տեսնում եմ որպես քաղաքական հոբի, քան լուրջ ընտրարշավ»: Կիրակոսյանը նաեւ ասաց, որ ինքը հանդես չի գալիս իբրեւ Գագիկ Ծառուկյանի ընկեր եւ ուղղակիորեն հակադրվում եւ դեմ է դուրս գալիս Ռուբեն Հայրապետյանին: «Մենք շատ մեծ օլիգարխների ազդեցություն ունենք եւ մեզ ավելին անհրաժեշտ չէ»,-նշեց քաղաքագետը: Ինչ վերաբերում է ՀԱԿ- ԲՀԿ հարաբերություններին, ապա Կիրակոսյանը կարծում է. «Դա տանգո չէ, քանի որ տանգոն մենակ չեն պարում: ՀԱԿ-ԲՀԿ տանգոն չի լինում, քանի որ երաժշտություն չկա: Նրանք իրար չեն սիրում: Ռոմանտիկ բան չկա այդ տանգոյի մեջ»:
Եվա ՀԱԿՈԲՅԱՆ
