ՀՀ կառավարության աշխատակազմի «Գյուղական տարածքների տնտեսական զարգացման» ծրագրերի իրականացման գրասենյակ պետական հիմնարկից տեղեկացնում են. «Ի կատարումն ՀՀ Կառավարության 2011թ մարտի 31-ի որոշման, «Գյուղական ֆինանսավորման կառույց- ԾԻԳ» ՊՀ կողմից իրականացվում է գյուղատնտեսության ոլորտին տրամադրվող վարկերի տոկոսադրույքների սուբսիդավորում:
2011թ. ապրիլից 2012թ. սեպտեմբերի 30-ը ժամանակահատվածում վարկերի սուբսիդավորման գործընթացն իրականացվել է հանրապետության բոլոր մարզերում:
Տրամադրված վարկերի ընդհանուր գումարը կազմել է 25 միլիարդ 257միլիոն դրամ:
Վարկերի ընդհանուր քանակը 34 հզ. 647 է:
Վարկերի տոկոսադրույքների սուբսիդավորված գումարը 588 միլիոն 613 հազ. դրամ է:
Կառավարության որոշմամբ գյուղվարկերի տրամադրման ժամկետը շարունակվելու է մինչև 2012թ.վերջը ,իսկ սուբսիդավորման գործընթացը կշարունակվի մինչև վարկերի մարման ժամկետի ավարտը:
Գյուղվարկերի սուբսիդավորման գործընթացի ակտիվ մասնակիցներից են «ԱԿԲԱ-ԿՐԵԴԻՏ» ՓԲԸ, «ՊՐՈԿՐԵԴԻՏ ԲԱՆԿ» ՓԲԸ, «ԿՈՆՎԵՐՍ ԲԱՆԿ» ՓԲԸ, «ԱՐԴՇԻՆԻՎԵՍՏԲԱՆԿ» ՓԲԸ ֆինանսական կառույցները:
Պայմանագրեր են կնքվել նաև «ԷԿԼՕՖ», «ԱԿԲԱ-ԼԻԶԻՆԳ», «ՓՄԶ ներդրումներ» ՈՒՎԿ-ների հետ:
Վարկերի տոկոսադրուքի սուբսիդավորման ենթակա հաշվարկային ընդհանուր գումարի կանխատեսումը մինչև տարվա վերջ կկազմի 1 միլիարդ 82 միլիոն դրամ:
