Թե հոկտեմբերի 27-ը, թե մարտի 1-ը չպետք է կուսակցականացնել եւ փորձել ինչ-որ մեկի վրա գլորել մեղքի բաժինը: «Ա1+»-ի հետ զրույցում ասաց ԱԺ փոխնախագահ Էդուարդ Շարմազանովը:
Ըստ նրա` կան երեւույթեր, իրադարձություններ, որոնք քաղաքական պայքարից վեր են եւ ապաքաղաքական են: «Պարույր Սեւակը հետաքրքիր մի խոսք ունի` «Ծառը կտրելուց հետո է երեւում նրա բուն հաստությունը»: Ես չեմ ուզում, որ այդպես լինի, մենք պետք է իրար փայփայենք, կապ չունի իշխանություն է, թե ընդդիմություն, բոլորս էլ մեր պետության համար ենք մտահոգ: Հոկտեմբերի 27-ի, մարտի 1-ի օրերը մեզ համար պետք է գոնե դաս լինեն, որ մի քիչ ավելի խոհեմ լինենք, մանավանդ առջեւում կարեւոր իրադարձություններ են սպասվում: Մենք իրավունք չունենք սխալներ անելու. յուրաքանչյուր սխալից հետո տարիներ շարունակ ուղղում ենք այն: Եվ, ընդհանրապես, կան բաներ, որ ինչքան էլ քո կուսակցական շահը պահանջի, դու իրավունք չունես անելու, քանի որ դա պետության շահն է»,- կարծում է Էդուարդ Շարմազանովը:
Մանրամասն՝ կարդացեք այստեղ
