«Վրաստանը, ի վնաս Հայաստանի, մշտապես սիրաշահել է թուրքերին կամ ադրբեջանցիներին եւ դա նորություն չէ»,-այսօր լրագրողների հետ հանդիպման ժամանակ ասաց թուրքագետ Հակոբ Չաքրյանը՝ խոսելով Վրաստանում թուրք-ադրբեջանական գործոնի ուժեղացման եւ դրա հետեւանքով ՀՀ անվտագության սպառնալիքների մասին:
Անդրադառնալով հայտարարության երեւույթին՝ Չաքրյանը նկատեց, որ Հայաստանն այս դեպքում կամ ռազմական գործողություններ պետք է սկսի, կամ էլ ենթարկվի. «Ամեն դեպքում չպետք է գերագնահատել հարեւաններին: ԵԱՀԿ Մինսկի խումբը կկարողանա լուծել խնդիրը, եթե տեսնի, որ Թուրքիան փորձում է ակտիվանալ տարածաշրջանում: Նրա քիթն ուղղակի կջարդեն»:
Ինչ վերաբերում է թուրք-ադրբեջանական գործոնի ակտիվացմանը, ապա, ըստ Չաքրյանի, դա չի նպաստի Թուրքիայի դիրքերի ամրապնդմանը Հարավային Կովկասում:
Կարդացեք նաև
«Չեմ կարծում, թե թուրք-ադրբեջանական գործոնի ուժեղացումը կհանգեցնի Թուրքիայի դիրքերի ուժեղացմանը Վրաստանում: Թուրքերի ջանքերը տվյալ դեպքում Հարավային Կովկասում ապարդյուն է, մանավանդ որ վերջին շրջանում լուրջ խնդիրների են բախվում հարավ-արեւելյան շրջաններում եւ այլն»:
Եվա ՀԱԿՈԲՅԱՆ
