ՖՈՏՈԼՈՒՐ
ՀՀ խորհրդարանականները՝ մարդու իրավունքների պաշտպանության եւ եվրաինտեգրացման մշտական հանձնաժողովի անդամներն այսօր այցելել են ԱԱԾ մեկուսարան՝ ծանոթանալու այս քրեակատարողական հիմնարկում կալանավորներին պահելու պայմաններին, լսելու նրանց առաջարկները:
Aravot.am-ի հետ զրույցում ՀՀ ԱԺ մարդու իրավունքների պաշտպանության մշտական հանձնաժողովի նախագահ, ԲՀԿ-ական Էլինար վարդանյանն ասաց, որ «Նուբարաշեն» քրեակատարողական հիմնարկի հետ համեմատ, այստեղ պայմանները բավականին լավ էին: «ԱԱԾ մեկուսարանում պահվողների կողմից բարձրացվեցին մի շարք հարցեր, օրինակ, կալանավորներին համակարգիչներով ապահովելու, տեսախցիկների հետ կապված օրենսդրական փոփոխություններ անելու մասին եւ այլն: Այդ բոլոր հարցերը կբարձրացվեն նոյեմբերին կայանալիք լսումների ժամանակ եւ մենք արդեն հանդես կգանք օրենսդրական առաջարկներով»,- ասաց տիկին Վարդանյանը:
Խորհրդարանականները հանդիպել են նաեւ ՀՀԿ-ական, սոցապահովության հիմնադրամի նախկին նախագահ Վազգեն Խաչիկյանին: Տիկին Վարդանյանն ասաց, որ Խաչիկյանը՝ լինելով բարձր իրավագիտակցության տեր մարդ, իր կողմից էլ առաջարկներ են եղել, իհարկե, հաշվի առնելով նաեւ պետության հնարավորությունները: Խաչիկյանի գործից խոսակցություն չի եղել; «Քանի որ մոնիթորինգի նպատակը դատապարտյալների պայմաններն ուսումնասիրելն էր, բնականաբար, բուն քրեական գործերին չենք անրադարձել»,- Aravot.am-ի հարցին իր պատասխան ասաց Էլինար Վարդանյանը:
Կարդացեք նաև
Նելլի ԳՐԻԳՈՐՅԱՆ
