Հոկտեմբերի 17-ին «Առավոտում» հրապարակված «Կովերն Իջեւանում էլ «գրին» քարտ ունեն» հոդվածում նշել էինք, որ 20 հազարանոց քաղաքում կարելի է տեսնել թափառող կովերի, ձիերի, շների խմբեր:
Այս լուսանկարն արվել է 2012թ. օգոստոսի 9-ին: Դրա հեղինակ իջեւանցի Վահագն Թամրազյանն իր բլոգում այդ առթիվ գրել է. « Խորհրդային տարիներին մի կարգախոս կար Իջեւանում` «Իջեւանը դարձնենք քաղաք-պարտեզ»: 21-րդ դարի սկզբին ծնվեց Իջեւանի ապագայի նոր տեսլականը, համաձայն որի Իջեւանը պետք է դառնա զբոսաշրջային քաղաք: Սակայն ինչպե՞ս իրականություն դարձնել այդ երազանքը, երբ Իջեւանը քաղաք է միայն այնքանով, որքանով, որ գյուղ չէ: Ի՞նչ զբոսաշրջության մասին կարող է խոսք լինել, երբ մի գեղեցիկ առավոտ ականատես ես լինում, թե ինչպես են Գարեգին Նժդեհը, հասարակ անցորդը, ավտոմեքենան, գոմեշն ու կոյուղաջրերը մեկ ամբողջություն կազմում»:
Հավելենք, որ լուսանկարում պատկերված, կոյուղաջրերով ողողված փողոցը Իջեւանի կենտրոնում է՝ Տավուշի մարզպետարանի շենքի կողքին:
Կարդացեք նաև
Ոսկան ՍԱՐԳՍՅԱՆ
