Ռուսաստանի Լենինգրադի շրջանի իրավապահները ՀՀ և ՌԴ քաղաքացիների ամուսնություն են ճանաչել անվավեր: «Ամուսինները» Ռուսաստանի տարածքից վտարվելու ենթակա են: Այս մասին «Ռեգնում» լրատվական գործակալությանն են հաղորդել իրավապահ մարմնի մամուլի ծառայությունից:
Հետաքննության արդյունքում պազվել է, որ 2009թ. նյութական ծանր վիճակում գտնվող կինը 10 հազար ռուբլու դիմաց ամուսնության համաձայնություն է տվել ՀՀ քաղաքացուն: ՀՀ քաղաքացուն ամուսնությունը անհրաժեշտ էր Ռուսաստանում ժամանակավոր բնակության թույլտվություն ստանալու համար:
Ամուսնությունը գրանցելուց հետո «ամուսինն» ու «կինը» միասին չէին ապրում, ընդհանուր տնտեսություն չէին վարում, համատեղ սեփականություն չունեին: Այդուհանդերձ ՀՀ քաղաքացին ՌԴ տարածքում ժամանակավոր բնակության թույլտվություն էր ստացել և կարող էր երկար ժամանակ մնալ այնտեղ:
Կարդացեք նաև
Պատրաստեց Հովհաննես ԻՇԽԱՆՅԱՆԸ
