ԱՄՆ-ում Ադրբեջանի դեսպան Էլին Սուլեյմանովը օրերս լոբբինգ էր անում` բացատրելու համար 7 միլիարդ դոլար արժողությամբ Տրանս-անատոլիական գազամուղի (ԹԱՆԱՓ) կարևորությունը, որը կասպյան գազը պիտի տեղափոխի Արևմտյան Թուրքիա: Հաղորդում է «Հյուրիեթ դեյլի նյուզ» թերթը:
«Դուք չեք պատկերացնի, թե ինչ զբաղված եմ այս օրերին», – ասել է Սուլեյմանովը վերջերս տված հարցազրույցում` ավելացնելով, որ նա հանդիպումներ է ունեցել ԱՄՆ-ի առանցքային գործիչների հետ, – «Ես փորձում եմ բացատրել նրանց ԹԱՆԱՓ ծրագրի կարևորությունը»:
Սուլեյմանովը հայտնել է, որ ԹԱՆԱՓ-ը կարևոր է, քանի որ այժմ ոչ ոք այլևս չի քննարկում ՆԱԲՈՒԿՈ նախագիծը:
Կարդացեք նաև
«ԹԱՆԱՓ-ը տարածաշրջանի ամենակարևոր էներգիա փոխադրողն է, դրա նմանը չկա», – ասել է Սուլեյմանովը, – «Այն գլոբալ նշանակություն ունի, քանի որ Կենտրոնական Ասիան կապում է Անատոլիային ու գնում, հասնում մինչև եվրոպական երկրներ»:
Պատրաստեց Հովհաննես ԻՇԽԱՆՅԱՆԸ
