«Լեյք ֆորեսթեր» լրատվականը անդրադարձել է ամերիկահայ դրամատուրգ Ադրիանա Սևանի «Գիշերը Երզնկայում» պիեսին, որը հիմնված է նրա ընտանեկան պատմության վրա: Պիեսը պատմում է հայ-դոմինիկյան ընտանիքի երեք սերունդների մասին և թե ինչպես է ազդել Հայոց ցեղասպանությունը նրանց վրա:
Լրատվականը գրում է, որ պիեսում դերերով հանդես են գալիս և միաժամանակ պատմության դասեր են քաղում 10-ամյա Մալիհա Ա.Յուսուֆը և 12-ամյա Էլիսոն Թորֆը:
«Սա այն պատմություններից է, որ պետք է ավելի շատ խրվես մեջը, – ասել է Մալիհան, – սա նույնն է, ինչ հոլոքոստը, բացառությամբ, որ այս մարդիկ հայեր էին, իսկ հայերին սպանողները` թուրքեր»:
«Բավականին հետաքրքիր է մասնակցել մի բեմադրության, որը իրական մարդու կյանքի մասին է, – ասել է Էլիսոնը, – բացի այս հրաշալի պիեսը գրելուց, Ադրիանան մի այլ մակարդակի է բարձրացրել այն. նա ցույց է տվել այնպիսի բաներ, որպիսիք իմ մտքով երբեք չէին անցնի»:
Նոյեմբերի 11-ին «Գիշերը Երզնկայում» պիեսը կբեմադրվի «Historic Chicago Temple Building» դահլիճում:
Պատրաստեց Հովհաննես ԻՇԽԱՆՅԱՆԸ
