2012 թվականը դեռ չի ավարտվել, սակայն կարող ենք ասել, որ այն լի էր տարբեր ժանրային ուղղվածություն ունեցող ֆիլմերի պրեմիերաներով: Կպահպանվի՞ այդ նույն տեմպը 2013թ-ին, չենք կարող ասել, սակայն որոշ ժամանցային կայքեր հայտնում են գալիք տարում սպասվող պրեմիերայի մասին: Եկող տարվա մարտի 8-ից կինոշուկան կհարստանա եւս մեկ ֆանտաստիկ դրամայով: Խոսքս «Էլիզիում» ֆիլմի մասին է: Նկարահանումները սկսվել են 2011թ. ամառվանից: Ֆիլմի թրեյլերից կարելի է ենթադրել, որ դեպքերը զարգանալու են մեզանից հեռու գտնվող մի մոլորակում: Հիմքում ընկած կլինեն սոցիալ-քաղաքական հարցեր:
Այս պահի դրությամբ արդեն հայտնի է դերասանական կազմը` Մետ Դեյմոն, Ջոդի Ֆոստեր, Ալիսի Բրագա, Թալիսա Սոտո, Ուիլյամ Ֆիխտներ, Կարլի Պոուպ, Ֆարան Թաիր, Շարլտո Կոպլի: Ռեժիսորը Նիլ Բլոմկամպն է: Տեղեկացնեմ, որ նա հայտնի է դարձել իր գլուխգործոցից ` «No.9 թաղամաս» ֆիլմից հետո: Սակայն սա ռեժիսորի կողմից մինչ այժմ նկարահանած միակ գործը չէ. նա եւս երեք կարճամետրաժ ֆիլմերի հեղինակ է:
«Էլիզիում» ֆիլմի ստեղծողների խոսքով, սա նման չի լինելու ոչ մի ֆիլմին:
Կլինե՞ն նրանք իրենց խոսքի տերը, թե՞ ոչ, պարզ կդառնա ամիսներ անց:
https://www.youtube.com/watch?feature=player_embedded&v=3hM6S9cIQ7Y
Արամ Արարատյան
