Յոթ օր տեւած «Գրական տապան-2012» երրորդ միջազգային փառատոնն այսօր ավարտվեց: Փառատոնի համակարգող Դավիթ Մաթեւոսյանը ասում է, որ մենք ունենք գրական կյանքի զարգացման խնդիր: Ըստ նրա, նման միջոցառումները օգնում են այդ բացը լրացնելուն: Տալով իր գնահատականը՝ ասաց, որ փառատոնը կայացել է:
Հոլանդիայի ներկայացուցիչ Սերժ Վան Դայհովենը չորրորդ անգամ է Հայաստանում: Մեզ հետ զրույցում նշեց, որ իր այցելություններով փորձում է վերացնել երկու երկրների միջեւ եղած մշակութային անջրպետները:
Դայհովենը նաեւ City Book ծրագրի նախաձեռնող է: Ասում է, որ ամեն տարի որեւէ քաղաք լինում է նրա հերոսը: Այս տարի հերթը Երեւանինն է:
«Գրական տապան» փառատոնի շրջանակներում 5 գրողներ իրավունք են ստացել գրել պատմություններ կապված մեր մայրաքաղաքի հետ:
Կարդացեք նաև
Փակման արարողության ընթացքում ներկայացվեց ռումինացի գրող և մարդաբան Կինգա Կալիի՝ Տրանսիլվանիայի հայերի մասին պատմող «Հայր մեր» վավերագրական ֆիլմը: Հեղինակը պատմում է, որ ամենասկզբից է իմացել իր հայկական արմատների մասին: Նրա նախնիները 1600 թվականին Անիից տեղափոխվել են Տենսիլվանիա: Կալին այժմ բնակվում է Ռումինիայում եւ ինչպես ինքն ասաց` աշխատում է պահպանել հայկական բոլոր ավանդույթները:
Տենսիլվանիայում անցկացրած տարիների ընթացքում, նկատել է, որ արմատներով հայերը թեեւ չեն չեն խոսում մայրենի լեզվով, միեւնույնն է` փորձում են պահպանել մեր ավանդույթները: «Հայր մեր» ֆիլմն էլ հենց նրանց մասին է:
Արամ ԱՐԱՐԱՏՅԱՆ
