«Կառավարության այս նախագիծը համարում ենք ձեռառնոցի՝ սեփական ժողովրդի նկատմամբ, ուստի հորդորում ենք դեմ քվեարկել այս օրինագծին»,- այսօր ԱԺ նիստում հայտարարեց ՀԱԿ խմբակցության ղեկավար Լեւոն Զուրաբյանը՝ նվազագույն աշխատավարձը 2500 դրամով բարձրացնելու օրինագծի առնչությամբ:
«Ժառանգություն» խմբակցության ղեկավար Ռուբեն Հակոբյանը նույնպես նշեց, որ իրենք դեմ են քվեարկելու, բայց հստակեցրեց՝ քաղաքացիների համար. «Մենք դեմ չենք աշխատավարձի բարձրացմանը, դեմ ենք, որ բարձրացվի այս չափով»:
«Ժառանգության» պատգամավոր Զարուհի Փոստանջյանն էլ ավելացրեց. «Մեր քաղաքացիներին փորձում ենք տալ ողորմություն, իսկ սա հարիր չէ մեր կառավարությանը: Պետք չէ ողորություն տալ մեր քաղաքացիներին: Աշխատավարձը պետք է բարձրացվի եւ եւ դարձվի 60 հազար դրամ: Մեր գործընկերները առաջարկել են շատ լավ նախագիծ, մենք կողմ ենք դրան:
Իսկ ՀՅԴ-ն երեկ էր ասել, որ դեմ է քվեարկելու:
Կարդացեք նաև
Քվեարկությամբ, այնուամենայնիվ, օրինագիծն անցավ՝ 65 կողմ, 7 դեմ եւ 25 ձեռնպահ արդյունքով:
Այսօր քվեարկությունների ժամանակ պարզվեց, որ ԲՀԿ խմբակցության քարտուղար Նաիրա Զոհրաբյանի «ձեռնպահի» կոճակը չի աշխատում: ԱԺ նախագահ Հովիկ Աբրահամյանը կատակեց. «Դե որովհետեւ դուք միշտ կամ կողմ եք քվեարկել, կամ դեմ, ձեռնպահը չեք օգտագործել ու չեք իմացել, որ չի աշխատում»: Ավելի ուշ դիմելով քարտուղարությանը՝ Հովիկ Աբրահամյանն ասաց. «Տիկին Զոհրաբյանի ձեռնպահ քվեարկելը շատ կարեւոր է, կոճակները ստուգեք ու սարքեք»:
Հռիփսիմե ՋԵԲԵՋՅԱՆ
