Հանրային խորհրդի նախագահ Վազգեն Մանուկյանը իր երկու ընտրարշավներից ոչ մեկում մրցակիցների հետ երբեւէ հրապարակային բանավեճ չի ունեցել։ «Մենք այդ մշակույթը դեռեւս չունենք», – «Ա1+»-ի հետ զրույցում ասաց նա։
Պարոն Մանուկյանը կարեւոր է համարում նախընտրական բանավեճը, սակայն չի բացարձակացնում դրա արժեքը, քանի որ «կարող է հանճարեղ նախագահացուն հռետորական ունակություններ չունենա եւ հակառակը՝ շոումենի հատկանիշներով մեկը հաջողություն ձեռք բերի բանավեճի միջոցով»:
Ըստ Վազգեն Մանուկյանի, բանավեճի մշակույթի կայացման համար հարկավոր է, որ երկրում ընդդիմությունն ու իշխանությունը պարբերաբար փոխարինեն միմյանց։ Այս առումով, ըստ նրա, Հայաստանում դեռեւս նախադեպ չկա:
«Եթե մեկը միշտ ընդդիմություն է լինում, մյուսն իշխանություն, էդ բանավեճից մեծ օգուտ չկա, որովհետեւ ընդդիմադիրը առանց որեւէ պատասխանատվության ցանկացած հայտարարություն կարող է անել, եւ բանավեճի մեջ էլ իշխանության պրոֆեսիոնալիզմը միշտ ավելի բարձր կլինի», – նշեց Վազգեն Մանուկյանը։
Մանրամասն՝ կարդացեք այստեղ
