Վերջերս ձեւավորված «Հակահարված» նախաձեռնությունը օրեր առաջ Հյուսիսային պողոտայում թռուցիկներ է բաժանել ՀՀ նախագահ Սերժ Սարգսյանի դիմանկարով ու «Ճանաչիր թշնամուդ» գրությամբ:
Այս նախաձեռնության անդամներն իրենց ոչ թե ՀԱԿ ակտիվիստ, այլ ՀԱԿ համախոհ են համարում: «ՀԱԿ ասելով ի՞նչ նկատի ունեք, մի հատ բացեք»: «ՀԱԿ ասելով՝ հասկանում եմ հասարակության ակտիվ զանգված, որ ժողովրդի ճնշմամբ հասնեն իշխանափոխության: Եթե մի մարդ կա, որ դեմ է այս ռեժիմին, կարող է լինել ՀԱԿ-ից: Ես ՀԱԿ համակիր եմ ու այդքանը »,- ասաց Թ. Սարոյանը:
Նրանից հետաքրքրվեցինք՝ նախընտրական քարոզչություն իրականացնելու համա՞ր են համախմբվել. «Նախընտրական իրավիճակի հետ կապված չէ: Մեր ճանապարհը՝ ժողովրդի ճնշմամբ հասնել իշխանափոխության, այս ռեժիմին տապալել»:
Կարդացեք նաև
Մեր հարցին ի պատասխան, թե ովքեր են նախաձեռնության անդամները, Թ. Սարոյանը նշեց միայն իր ու Հերբերտ Գեւորգյանի անունները: Նրա խոսքերով, «Հակահարվածը» սկսել է գործել ՀԱԿ 4 ակտիվիստներին ձերբակալելու մասին դատավճռի հրապարակումից հետո:
Արփինե ՍԻՄՈՆՅԱՆ
