«Ես կասեի հիվանդների վիճակը շատ լավ է, այսօր 5-6 հոգու կուղարկենք տուն»,-Aravot.am-ի հարցին, թե ի՞նչ նորություն կա սիբիրյան խոցի կասկածներով հիվանդանոց տեղափոխված քաղաքացիներից, ասաց Գեղարքունիքի մարզի «Մարտունի» բուժկենտրոնի փոխտնօրեն Վարդան Կարապետյանը:
Օրեր առաջ այս բուժկենտրոն է տեղափոխվել մոտ 15 քաղաքացի: Քանի դեռ չկան լաբորատոր հետազոտության արդյունքները, բժիշկ Կարապետյանը հստակ չի կարող ասել՝ արդյոք այդ քաղաքացիները սիբիրյան խոցո՞վ են վարակված, թե՞ ոչ, բայց խորհուրդ է տալիս խուճապի չմատնվել. «Ում վրա թեթեւ վերք է լինում՝ վախեցած դիմում են մեզ, մարդկանց մեջ խուճապ է տարածվել»:
«Նորք» ինֆեկցիոն հիվանդանոցում սիբիրյան խոցի կասկածներով 1 հիվանդ կա: «Ինքազգացողությունը լավ է, պարզապես նրա մոտ էլ սիբիրյան խոցի թեթեւ կասկածներ կան»,-Aravot.am-ի հետ զրույցում ասաց բուժհիմնարկի փոխտնօրեն Էդուարդ Զարդարյանը: Երեւանի՞ց է, թե՞ մարզից, մեր հարցին պարոն Զարդարյանն ասաց` Հայաստանի Հանրապետությունից:
Այսօր առողջապահության նախարարությունը հրապարակել է
Կարդացեք նաև
հոսպիտալացված հիվանդներից վերցված նմուշների լաբորատոր հետազոտությունների արդյունքները: Ըստ նույն աղբյուրի. «Մի քաղաքացու մոտ սիբիրյան խոց հիվանդությունը հաստատվել է, 9-ը նմուշում հայտնաբերվել են սիբիրյան խոցի ոչ ախտածին հարուցիչներ (վերջինս պայմանավորված է վերքերի վաղեմությամբ եւ հակաբիոտիկային բուժմամբ, հակաբիոտիկային քսուքների օգտագործմամբ), իսկ 5 նմուշում լաբորատոր հետազոտության արդյունքները եղել են բացասական: Հիվանդների վիճակը բավարար է: Ունեն առողջացման դրական միտում:
Մնացած կասկածելի հիվանդներից վերցված նմուշների լաբորատոր հետազոտություններն ընթացքի մեջ են»։
Լուսինե ԲՈՒԴԱՂՅԱՆ
