Երեկ տեղի ունեցած «Ժառանգություն» կուսակցության խորհրդի ընդլայնված նիստում «Ազատ դեմոկրատներ» կուսակցության նախագահ Խաչատուր Քոքոբելյանի հարցը չի քննարկվել: Այս մասին Aravot.am-ի հետ զրույցում ասաց «Ժառանգության» վարչության անդամ Արմեն Մարտիրոսյանը: Հիշեցնենք, որ ակնկալվում էր, որ «Ժառանգության» խորհրդի նիստում պետք է որոշում կայացվի «Ազատ դեմոկրատներ» կուսակցության նախագահ Խաչատուր Քոքոբելյանի հետ հետագա համագործակցության մասին: Հիշեցնենք նաեւ, որ երկու կուսակցությունների մեջ խնդիր առաջացավ այն բանից հետո, երբ Րաֆֆի Հովհաննիսյանը հայտարարեց, թե Խաչատուր Քոքոբելյանը խախտել է նախնական պայմանավորվածությունը մանդատը վայր դնելու մասին: Երկու լիդերների հարաբերությունները պարզելու հրապարակային բանավեճը առայժմ հանգուցալուծում չի ստացել:
Քիչ ուշ, խորհրդարանում հերթական քառօրյային ընդառաջ կլինի նաեւ «Ժառանգություն» խմբակցության նիստ: Կլսվի՞ նիստի ընթացքում Քոքոբելյանի հարցը, թե ոչ՝ առայժմ ճշտել չի հաջողվել:
Aravot.am-ի հարցին ի պատասխան՝ «Ժառանգության» ընդլայնված նիստում գոնե խոսակցությո՞ւն էլ չգնաց Քոքոբելյանի հարցի հետագա հնարավոր անդրադարձների մասին, Արմեն Մարտիրոսյանն ասաց, որ այդ թեմայով որեւէ խոսակցություն չի եղել:
Կարդացեք նաև
Հավելենք միայն, որ «Ժառանգության» խորհրդի նիստին մասնակցել է նաեւ Րաֆֆի Հովհաննիսյանը:
Ըստ Արմեն Մարտիրոսյանի՝ քննարկվել են կազմակերպական հարցեր, ընտրական հանձնաժողովներում կուսակցականների ներգրավվածության հետ կապված հստակեցումների մասին է խոսվել:
Նելլի ԳՐԻԳՈՐՅԱՆ
