Պրահայի գերագույն դատարանը ռուսախոս մաֆիայի պարագլուխ Անդրանիկ Սաղոյանի և չորս այլ մարդկանց արդարացման դատավճիռը, որոնք մեղադրվում են գործարարի սպանություն կազմակերպելու մեջ, երկրորդ անգամ հետ է ուղարկել ստորին ատյան: Հայտնում է «Գրունգ» լրատվականը և նշում, որ այս լուրը հայտնվել է դատարանի կայքում, սակայն պաշտոնական որոշումը գրավոր տեքսով դեռ չի տրվել:
Պրահայի գերագույն դատարանի խոսնակ Յան Ֆորտն ասել է, որ որոշումն ընդունվել է հոկտեմբերի 10-ին, փակ դռների ետևում:
Նախորդ տարվա ապրիլին Պրահայի քաղաքային դատարանը եզրակացրել էր, որ մեղադրանքները ապացուցված չեն և արդարացրել էր 5 օտարերկրացիներին:
Սաղոյանը, որը հայտնի է որպես «օրենքով գող», ենթադրվող հանցանքը կատարել է 2007թ., սակայն վարձու մարդասպանը սխալմամբ սպանել է այլ մարդու՝ Պրահայի Վացլավի հրապարակում դանակահարելով մեկ ուրիշին: Նա դատապարտվել է 22 տարվա ազատազրկման:
Կարդացեք նաև
Մյուս մեղադրյալներն են ազգությամբ չեչեն Գիլանի Ալիևն ու Մաղոմեդ Ալիևը և հայազգի Արսեն Կակոսյանն ու Ռոման Մելքոնյանը:
Պատրաստեց Հովհաննես ԻՇԽԱՆՅԱՆԸ
