ՀՀ նախագահի վերահսկողական ծառայության ղեկավար Հովհաննես Հովսեփյանի հրավերով Հայաստանում է ՌԴ նախագահի օգնական, նախագահի վերահսկողության վարչության պետ Կոնստանտին Չույչենկոն :
Կառավարության ընդունելությունների տանն այսօր կայացել է Հայաստանի եւ Ռուսաստանի վերահսկողական բարձրագույն կառույցների ղեկավարների հանդիպումը:
Հանդիպման ընթացքում քննարկվել են փոխադարձ հետաքրքրություն ներկայացնող մի շարք հարցեր, հետագա գործակցության ծրագրեր , պայմանավորվածություն է ձեռք բերվել շարունակել գործնական քայլերը փորձի փոխանակման , վերահսկողության ոլորտում իրավական ակտերի կիրառման ուղղությամբ : Ռուսաստանի իր գործընկերոջը ՀՀ նախագահի վերահսկողական ծառայության ղեկավարը ծանոթացրել է իր ղեկավարած կառույցի գործառույթներին , գործունեության սկզբունքներին , ինչպես նաեւ 2012 թվականի ընթացքում ծառայության կատարած ստուգումներին, որոնց արդյունքում մի շարք ոլորտներում բացահայտվել են չարաշահումներ:
Հանդիպման ավարտին տեղի է ունեցել ճեպազրույց: ՀՀ նախագահի վերահսկողական ծառայության ղեկավարնը նշել է, որ իր ղեկավարած կառույցն որդեգրել է առավել թափանցիկ եւ հաշվետվողական գործելաոճ` նպատակ ունենալով երկրում նպաստել օրենքի լիակատար գերակայությանը: «Մեր երկու երկրներում ընթացող լայնածավալ բարեփոխումները պահանջում են պետության կողմից վերահսկողության մեխանիզմների կատարելագործում եւ արդիականացում»,- ասել է Հովսեփյանը :
Կոնստանտին Չույչենկոն իր հերթին արդյունավետ է գնահատել հայ գործընկերների հետ աշխատանքը. «Մենք պետք է ուշադրության կենտրոնում պահենք մեր երկու երկրների նախագահների հանձնարականների լիարժեք կատարման ընթացքը: Զուգահեռաբար, օրակարգում է պետության կողմից իրականացվող գնումների գործընթացի հանդեպ վերահսկողական մեխանիզմների ուժեղացման հարցը, քանի որ և՛ Ռուսաստանում, և՛ Հայաստանում, կան չարաշահումներ այդ բնագավառում: Որոշել ենք ավելի գործուն քայլեր իրականացնել և փորձի փոխանակմամբ նպաստել մեր վերահսկողական գործառույթների կատարելագործմանը: Ընդհանուր առմամբ, մենք շատ գոհ ենք մեր հայ գործընկերների հետ համագործակցությունից եւ ակնկալում ենք, որ ապագայում ևս խորը ու համապարփակ քննարկումների առիթ կունենանք», – ասել է Կոնստանտին Չույչենկոն :
Նշենք, որ երկու երկրների նախագահների վերահսկողական ծառայությունների գործակցությունը սկսվել է դեռևս 2005 թ-ից: Կառույցների գործող ղեկավարների առաջին հանդիպումը կայացել է 2009թ Երեւանում , որի ընթացքում ստորագրվել է «Համագործակցության հետագա զարգացման» մասին հուշագիր:
Տեղեկացնենք նաև, որ եռօրյա այցի օրակարգում ՌԴ նախագահի օգնական , Նախագահի վերահսկողության վարչության պետ Կոնստանտին Չույչենկոյի գլխավորած պատվիրակությունը կայցելի Գառնի-Գեղարդ, կլինի Փարաջանովի անվան եւ Պատմության տուն-թանգարաններում:
ՀՀ Նախագահի վերահսկողական ծառայություն
