«Շատ նորմալ եմ վերաբերվում, ուրախ եմ, որ ինձ չեն մոռանում, ինչ ուզում են` խոսեն, կարեւորը չմոռանան»,-այսպես արձագանքեց «Սոցիոմետր» կենտրոնի տնօրեն Ահարոն Ադիբեկյանը այսօր ասուլիսի ժամանակ լրագրողներից մեկի հարցին, թե ինչպե՞ս է վերաբերվում իր հասցեին ընդդիմադիր թեւից հնչող այն կարծիքներին, որ «ծախված» է եւ այլն: «Եթե, օրինակ, իմ մասին լավ բան ասի Տիգրան Կարապետյանը` իմ ռեյտինգը կտրուկ կընկնի»,- օրինակ բերեց պարոն Ադիբեկյանը եւ խորհուրդ տվեց այսուհետեւ առաջնորդվել այս սկզբունքով. «Ով իմ մասին վատ է խոսում` վատ մարդ է, ով լավ է խոսում` լավ մարդ է, ով դրական է գնահատում` խելոք է, ով վատ է գնահատում` հիմար է: Սա ձեզ համար չափանիշ թող լինի»:
Սոցիոլոգը պատմեց, որ Գյումրիում ինչ-որ մարդիկ մտել են մեկի տուն` «Սոցիոմետր» կենտրոնի անունից, եւ եզրահանգեց` «Մենք այնպիսի բրենդ ենք, որ մեր դիմաց բոլոր դռները բացվում են»:
Մելանյա ԲԱՐՍԵՂՅԱՆ
