Բլոգեր Տիգրան Քոչարյանը (Փիղ) Aravot.am-ի հետ զրույցում խոսելով սեռական փոքրամասնությունների մասին պատմող «Parada» ֆիլմի ցուցադրության՝ հերթական անգամ չեղյալ հայտարարվելու մասին, ասաց, որ դա հատուկ է արվում, ու իր տպավորությամբ միտում կա Հայաստանը բռի, անտաշ եւ մասնավորապես պրոռուսական ներկայացնելու:
«Ես իրենց (նախաձեռնության հեղինակ ԵՄ պատվիրակությանն ու Գերմանական դեսպանությանը) 1000 անգամ բացատրել եմ, որ դրանք ոչ թե ճնշումներ են, այլ ռուսերեն ասած` здравый смысл: Իրենք չեն հասկանում, որ դա Հայաստանում ժամանակավրեպ է. մարդիկ չեն ընդունում, դրա համար էլ ուր դիմում են, մերժում են: Ինձ մոտ տպավորություն է ստեղծվել, որ հատուկ են հակաեվրոպական տրամադրություններ տարածում իրենց ղեկավարները, որոնք էդ ֆիլմի ցուցադրությունը կպած բրթում են Հայաստանում: Պետք է ուղղակի մտածեն, որ էս մարդիկ սխալ բան են անում, որովհետեւ ժողովրդի մեծամասնությունն ուղղակի չի ընդունում: Կամ էլ դրանով հատուկ հակագերմանական ու հակաեվրոպական տրամադրություններ են տարածում, Հայաստանին դարձնելով պրոռուսական: Երեւի իրենց նպատակը դա է , չգիտեմ»:
Մեր այն դիտարկմանը, թե ճնշումների մասին խոսելով ավելի են մեծացնում ֆիլմի հանդեպ հետաքրքրությունը, բլոգերը պատասխանեց. «Եթե ուզում են թող Facebook-ում խումբ բացեն, կարողա 3000 դիտում լինի, խնդիրը դրա մեջ չի: Հիմնական բանը, որ կազմակերպիչների հետ հանդիպմանն ասել եմ, այն է, որ Հայաստանում 1000 դարդուցավ կա, իսկ սեռական փոքրամասնությունների խնդիրը խնդիր չի, որովհետեւ ընդամենը մի 40-50 հոգի են էստեղ: Իսկ գուցե իրենք ՌԴ դեսպանատան հե՞տ են աշխատում, որ Հայաստանին բրթեն Ռուսաստան, ստեղծելով հակաեվրոպական, հակագերմանական տրամադրություններ, ուրեմն հալալ է իրանց, շատ լավ աշխատում են»:
Կարդացեք նաև
Գոհար ՀԱԿՈԲՅԱՆ
