Ինչպես հայտնի է, ԱՄՆ դեսպանը Վարդան Օսկանյանին ներկայացված մեղադրանքը գնահատեց որպես օրենքի ընտրովի կիրառման նախադեպ՝ մտահոգություն հայտնելով ընտրությունների շեմին նրա հանդեպ հարուցված քրեական հետապնդման կապակցությամբ։
Այս կապակցությամբ ԱՐՏԱԿ ԴԱՎԹՅԱՆԸ մեր թղթակցին ասաց. «Եթե ԱՄՆ հարգարժան դեսպանը հանդես է գալիս ոչ միայն որպես Վ.Օսկանյանի շահերի պաշտպան, այլեւ նրա պահապան հրեշտակ, վատ չէր լինի, որ նույն շահագրգիռ մոտեցումը դրսեւորեր բազմաթիվ այլ նմանատիպ գործերի առնչությամբ։ Այլապես, մեզ մեղադրելով ընտրովի մոտեցման մեջ, հենց ինքն է ընտրովի մոտեցում ցուցաբերում տվյալ անձի նկատմամբ՝ անտեսելով այլոց իրավունքները։
Մինչեւ նման հայտարարություն անելը լավ կլիներ պարոն դեսպանը իրեն հաշիվ տար, որ չի կարելի մեղադրել դիմացինին մի բանի մեջ, որի ցցուն օրինակը հենց ինքն է դրսեւորում, տվյալ դեպքում Վ.Օսկանյանի նկատմամբ»։
«Հայոց աշխարհ»
