Այսօր «Զարկերակ» ակումբում Հմայակ Հովհաննիսյանը վստահեցրեց, որ նախագահական ընտրություններին ԲՀԿ պատգամավոր Վարդան Օսկանյանը արդեն կդառնա միասնական թեկնածու, եւ նրան կսատարի նաեւ ՀԱԿ-ը: Լրագրողների հարցին՝ սրանից ՀԱԿ-ից ի՞նչ կմնա, նա պատասխանեց. «ՀԱԿ-ից արդեն ոչինչ չի մնացել: Ես միայն իմ մեռնելու օրը չգիտեմ, մնացած ամեն ինչ գիտեմ: Ես ասել եմ, որ ՀԱԿ-ին սպառնում է ԱԺՄ-ի ճակատագիրը: Ժողովուրդը շնիկ չի, որ երբ ցանկանաս` ասես ֆու, երբ ցանկանաս, ասես՝ ֆաս: Լուսահոգի Կարեն Դեմիրճյանն ասում էր՝ ժողովուրդը երեխայի նման է, կարող է երեխաի նման խռովել ու նեղանալ»: Նա նաեւ նշեց, որ Օսկանյանը դարձել է ընդդիմադիր դաշտի արեւը, եւ իրավճակը թելադրում է որոշակի լուծումներ:
Հարցին, թե որքանո՞վ է հավանական, որ «Ժառանգությունը» կսատարի ԲՀԿ թեկնածունի՝ նա պատասխանեց. «Երբ Քոքոբելյան Խաչիկը եւ Րաֆֆի Հովհաննիսյանը ընդհարվում են, առաջանում է խնդիր, մեծ է հավանականությունը, որ ստեղծված պայմաններում Րաֆֆի Հովհաննիսյանին կհասկացնեն, որ ինքը որեւէ շանս չունի, երբ իր ղեկավարած քաղաքական ուժը լուրջ ճեղքեր է տվել, պառակտվել է: Նա ըստ էության, ձեռնպահ կմնա: Ստեղծված իրավիճակում մեծանում է Ռոբերտ Քոչարյանի առաջադրումը: Ռոբերտ Քոչարյանը կարող է լինել պահաջված այն շրջանակների կողմից, որոնք գտում են, որ այդ ինքնուրույն կեցվածքն ու գոյությունն անհրաժեշտություն է, վտանգավոր է, եթե հայոց խորհրդարանում չլինի մի ինքնուրույն հոսանք, որը կներկայացնի այդ ուղղությունը»: Լրագրողները ճշտեցին՝ այսինքն ըստ ձեզ ՀԱԿ-ը կսատարի Ռոբերտ Քոչարյանի՞ն, նա չհերքեց դա՝ ասելով, որ ՀԱԿ-ից արդեն հեռացել են հակաքոչարյանական դեմքերը՝ Դավիթ Շահնազայանը, Սմբատ Այվազյանը…:
Հռիփսիմե ՋԵԲԵՋՅԱՆ
Կարդացեք նաև
