Սիրիայի դեմ պատերազմական գործողություններ հրահրելով` Թուրքիան սպառնում է տարածաշրջանային կայունությանը, լրագրողների հետ հանդիպմանն այսօր հայտարարեց Ռուսաստանի աշխարհաքաղաքական հետազոտությունների ակադեմիայի փոխնախագահ Արայիկ Սարգսյանը:
Նա հիշեցրեց, որ նախորդ շաբաթ Թուրքիայի խորհրդարանը կառավարությանը երկրի սահմաններից դուրս ռազմական գործողություններ վարելու մեկամյա մանդատ է տվել` առանց կոնկրետացնելու, թե որ երկրի դեմ կարող են ուղղվել այդ գործողությունները. «Ստացվում է, որ թուրքական կառավարությունն այսօր պատերազմ կարող է սկսել, Իրաքի, Իրանի, Հայաստանի, Սիրիայի, Վրաստանի, անգամ` Բալկանյան երկրների դեմ: Մանավանդ, որ Թուրքիան խնդիրներ ունի իր գրեթե բոլոր հարեւանների հետ»։
Ըստ նրա, Էրդողանի կառավարության հռչակած «զրո խնդիր հարեւանների հետ» կարգախոսը կյանքում վերածվել է «հարեւանների հետ հազար ու մի խնդիր» կարգախոսի:
Արայիկ Սարգսյանի խոսքով, Սիրիայի դեմ պատերազմի պատրաստվող Թուրքիան նպատակ ուներ սադրանքի միջոցով դրա մեջ ներքաշել նաեւ Ռուսաստանին:
Կարդացեք նաև
«Հայտնի է, որ այս շաբաթ ՌԴ նախագահ Վլադիմիր Պուտինը պետք է այցելեր Ստամբուլ: Ծրագրված էր, որ Պուտինի այցի հաջորդ օրը Թուրքիան պետք է լայնամասշտաբ պատերազմ սկսի Սիրիայի դեմ: Հասկանալի է, որ արաբական աշխարհը պետք է ընկալեր, որ Պուտինն իր այցելությամբ հավանություն է տվել թուրքական իշխանությունների գործողություններին», – նշեց փորձագետը:
Ըստ նրա` հենց այդ պատճառով էլ ՌԴ նախագահը անորոշ ժամկետով հետաձգել է Թուրքիա կատարելիք իր այցը:
Մանրամասն՝ կարդացեք այստեղ
