PanArmenian Photo
«Այն, ինչ արվում է պետական մակարդակով՝ պահպանելու մեր ունեցածը, այստեղ թերացումներ կան, լուրջ վերաբերմունք չի ցուցաբերվում, դրա համար էլ մերը տարվում է՝ ուրիշի կողմից սեփականացվում»,- հայտարարեց Հայ խոհարարական ավանդույթների զարգացման եւ պահպանման հ/կ նախագահ Սեդրակ Մամուլյանը՝ անդրադառնալով օտարների կողմից հայկական ուտեստների սեփականաշնորհմանը:
«Բերեմ պարզ օրինակ. Երեւանում կա ռեստորանների ցանց, որտեղ մատուցվում են հայկական ուտեստներ, հնչում հայկական գուսանական երաժշտություն, մեջը հայկական կոլորիտ, բայց վրացական անվանումով: Հիմա հարց է առաջանում՝ վրացի՞ն է փախցնում մեզանից, թե՞ մենք ենք տալիս մերը: Փող աշխատելու համար վաճառում ենք մեր արժեքները, կամ՝ ուրիշի ազգային արժեքները լուսաբանում, տարածում, մերը անտեսելով»,-նշեց Մամուլյանը, վստահեցնելով, որ այս հարցում մեղավորությունը միայն մերն է:
Եվա ՀԱԿՈԲՅԱՆ
