ԵՄ պատվիրակությունն ու Գերմանիայի դեսպանությունը մեկնարկում են «Parada» ֆիլմի ցուցադրությունը: Ֆիլմը կցուցադրվի հոկտեմբերի 17-ին և 18-ին՝ ժամը 19:30-ին, Կոնգրես հյուրանոցի շքասրահում:
Ֆիլմը Հայաստանում մարդու իրավունքների վերաբերյալ հասարակության իրազեկմանն ուղղված ԵՄ գործողությունների մի մասն է և այն վերաբերվում է լեսբուհիների, գեյերի, երկսեռականների և փոխսեռականների (ԼԳԵՓ) նկատմամբ խտրականության բացառմանը: Հոկտեմբերի երկրորդ շաբաթվա ընթացքում ծրագրված ցուցադրությունները հետձգվեցին, երբ հասարակական ճնշումների հետևանքով, ցուցադրության համաձայնությունըտված վայրերը, հրաժարվեցին ցուցադրել ֆիլմը:
Հայաստանում ԵՄ պատվիրակության ղեկավար Տրայան Հրիսթեան և Գերմանիայի Դաշնային Հանրապետության դեսպան Ռաներ Մորելը նշեցին, որ «Parada» ֆիլմը հանդուրժողականության մասին է, և այն նպատակ չունի վիրավորել որևէ մեկին կամ կարծիք պարտադրել: Հոկտեմբերի 9-ին կայացած մամլո-ասուլիսի ընթացքում դեսպանները հաստատեցին, որ ֆիլմը դիտել ցանկացողներին պետք է տրվի այդ հնարավորությունը, մինչդեռ նրանք, ովքեր դեմ են՝ ունեն իրենց կարծիքն արտահայտելու իրավունքը:
Կարդացեք նաև
Ֆիլմի ցուցադրությունը մասն է կազմում այն միջոցառումների, որոնք Եվրամիությունն անցկացնում է 2012թ. Մարդու իրավունքների պաշտպանության օրվա շրջանակներում՝ հանդուրժողականության և ոչ խտրականվերաբերմունքի թեմայով: Այն կարևորում է քննարկումներ նախաձեռնելու և կանխակալությանն ու կարծրացած տեսակետներին դիմագրավելու արվեստի առանձնահատուկ դերը:
«Parada» ֆիլմը սերբական դրամա է, որն արծարծում է Սերբիայում միասեռականների իրավունքների նուրբ խնդիրը: Ֆիլմի առանցքային թեման Բելգրադում միասեռականների շքերթ կազմակերպելու երկրորդ փորձն է այն բանից հետո, երբ առաջինը 2001թ. ավարտվել էր բռնությամբ: Ֆիլմը միջազգային ճանաչում ձեռք բերեց` էկրան բարձրանալով 2011թ. հոկտեմբերին: Այն հաջողությամբ ցուցադրվել է 2012թ. «Բեռլինալե» կինոփառատոնում` շահելով հանդիսատեսի մրցանակը լավագույն գեղարվեստական ֆիլմի համար:
