Ավստրիացի սքայդայվեր Ֆելիքս Բաումհարթները, որ հոկտեմբերի 9-ին այդ եզակի թռիչքը ստիպված էր եղել հետաձգել ուժեղ քամու պատճառով, նպատակին հասավ կիրակի օրը:
Նրա՝ 850 հազար խորանարդ մետր հելիումով լցված ստրատոստատը բարձրացավ 39,45 հազար մետր եւ մարզիկը այդ կետից ցատկելով՝ ազատ անկման մեջ գտնվեց 4 րոպե 20 վայրկյան՝ այդ ընթացքում զարգացնելով ժամում 1342,8 կմ առավելագույն արագություն: Եվ միայն դրանից հետո մարզիկը, բացելով արգելակող պարաշյուտը, բարեհաջող վայրէջք կատարեց Նյու-Մեքսիկո նահանգի Ռոզուել նախկին ռազմաբազայի տարածքում:
Բաումհարթներն այդ թռիչքով սահմանեց միանգամից երեք համաշխարհային ռեկորդ. ամենաբարձր կետից թռիչքի, ազատ անկման տեւողության եւ պատմության մեջ առաջին անգամ ձայնի արագությունը գերազանցելու: Ընդորում, Բաումհարթները ձայնի արագությունը գերազանցել է՝ չգտնվելով տեխնիկական սարքավորման մեջ:
Աշոտ ՀԱԿՈԲՅԱՆ
