ԱՄՆ-ի ազգային անվտանգության ծառայության հրապարակած արխիվային փաստաթղթերը ցույց են տալիս, թե 1962թ. Կուբան ինչքան մոտ էր լատինաամերիկյան առաջին միջուկային տերությունը դառնալուն: Այս մասին գրում է «Թելեգրաֆ» թերթը:
Սովետական Միությունը, ԱՄՆ-ից գաղտնի, 100 միջուկային հրթիռ էր թողել Կուբայում և նախատեսել էին կուբացիներին սովորեցնել դրանց օգտագործման ձևը:
Սակայն դիվանագիտական այցի ժամանակ ԽՍՀՄ առաջին քարտուղարի տեղակալ Անաստաս Միկոյանը մտահոգվում է Կաստրոյի անկառավարելի վարքից ու նամակ է գրում Մոսկվա, որ պետք է անհապաղ հետ վերցնել ռումբերը:
Կարդացեք նաև
Նոյեմբերի 22-ին, 4 ժամ տևած հանդիպման ժամանակ, Կաստրոն բարկանում է նման որոշման համար, իսկ Միկոյանը Կաստրոյին խաբում է, թե Սովետական Միությունում օրենք կա, որ այլ երկրների չեն կարող միջուկային զենք տալ:
«Իսկ ե՞րբ եք պատրաստվում վերացնել այդ օրենքը», – հարցրել Կաստրոն: «Կմտածենք», – պատասխանել է Միկոյանը:
Պատրաստեց Հովհաննես ԻՇԽԱՆՅԱՆԸ
