Նախընտրական քարոզարշավի ընթացքում կուսակցությունները կարող են նախապես հայտագրել, թե որ հասցեում գտնվող ցուցանակն են օգտագործելու:
Այսօր Կենտրոնական ընտրական հանձնաժողովի նիստում որոշվեց այսուհետեւ համարակալել վահանակները: ԿԸՀ նախագահ Տիգրան Մուկուչյանի խոսքերով, այսուհետեւ կուսակցությունները հայտագրերում պետք է նշեն, որ համարի ցուցանակն են օգտագործելու.« Վահանակների վերաբերյալ հայտերը ԿԸՀ-ին ներկայացնում են իրավաբանական անձինք: Նախորդ փորձը ցույց էր տալիս, որ հասցեավորման հետ կապված խնդիրներ էին լինում: Շատ հաճախ հասցեները չէին արտացոլում ցուցանակի իրական տեղը: Հանձնաժողովը որոշակի կոդավորում է օգտագործելու, թեկնածուները ,ներկայացնելով հայտերը, պետք է նշեն, որ կոդի տակ ընկած ցուցանակը նկատի ունեն: Նախորդ անգամ, երբ չկար այդ համապատասխան համարը նշելու պարտականությունը, ԿԸՀ-ն պարբերաբար զանգահարում էր կուսակցություններին կամ նրանց ներկայացուցիչներին հրավիրում էր հանձնաժողով: Նախկինում էլ այդ իրավահարաբերությունների հետ կապված խնդիրներ չունեինք, բայց հիմա ամեն ինչ ավելի հստակ է լինելու»:
Արփինե ՍԻՄՈՆՅԱՆ
