Թուրքիայում Ռուսաստանի Դաշնության դեսպան Վլադիմիր Իվանովսկուն այսօր հրավիրել են Թուրքիայի արտաքին գործող նախարարություն` սիրիական ինքնաթիռում «արգելված բեռի» հարցով բացատրություններ տալու համար: Այս մասին տեղեկացնում է Reuters-ը` հղում անելով Թուրքիայի ԱԳՆ-ում իր աղբյուրների վրա:
Սիրիական ինքնաթիռը` Անկարայում
Հիշեցնենք, որ SyrianAir-ի А320 աերոբուսը, որը մեկնում էր Մոսկվայից դեպի Դամասկոս, երեկ ուշ գիշերին կալանավորվել է Անկարայի կողմից` զինամթերքի տեղափոխման կասկածով: Թուրքական օդուժի կործանիչները սիրիական օդանավին ստիպել են գնալ հարկադիր վայրէջքի, քանի որ տեղեկություն են ստացած եղել այն մասին, որ Ռուսաստանից Սիրիայի նախագահ Բաշար Ասադի կողմնակիցների համար զենք է տեղափոխվում:
Պաշտոնական բացատրություն, թե այնուամենայնիվ ինչ է եղել օդանավում, չկա: Թուրքական ԶԼՄ-ները հաղորդել են, որ ինքնաթիռում հայտնաբերվել է հաղորդակցության ինչ-որ միջոց, որն օգտագործվում է ռազմական նպատակներով: Ռուսաստանն ու Սիրիան կտրականապես հերքում են ռազմական գույքի առկայությունը: Սիրիական ավիաընկերությունը պատրաստվում է բողոք ներկայացնել թուրքական կողմի դեմ` Միջազգային ավիացիոն ֆեդերացիային, ինչպես նաեւ համապատասխան արաբական կազմակերպությանը եւ իրավապաշտպան կառույցներին:
Իր հերթին Մոսկվան Անկարայից բացատրություններ է պահանջել միջադեպի հետ կապված: ՌԴ ԱԳՆ-ից վրդովեցրել է այն, թե ինչպես են Անկարայում վերաբերվել այն 17 ռուսաստանցիների հետ, ովքեր եղել են ինքնաթիռում: Նրանց ութ ժամ սպասեցրել են ինքնաթիռի մեջ` առանց սնունդի, իսկ ռուսաստանյան դիվանագիտական ներկայացուցչությունը դեպքի մասին տեղեկացել են մամուլի միջոցներից:
Ինչպես հաղորդում են սիրիական ԶԼՄ-ները` Կրեմլը կարիք չունի ուղեւորատար ինքնաթիռներ օգտագործել` Սիրիային զինամթերք հասցնելու համար: ՌԴ-ն շարունակում է կատարել իր պարտավորություններ, որոնք նախատեսված են Դամասկոսի հետ կնքված ռազմական պայմանագրով, որը կնքվել էր մինչեւ ՄԱԿ-ի անվտանգության խորհրդի սանկցիան:
