Կեսգիշերին եւ դրանից հետո էլ ականատես ենք լինում հրավառությունների, թեև դրանց կիրառումը ժամը 23:00-ից հետո արգելվում է:
Իմ հեռախոսը ֆիքսել է ժամն ու օրը, երբ ես նկարահանել եմ կեսգիշերային հրավառությունը՝ 23:55 րոպեին:
Հրավառությունների անցկացման միայն ժամը չէ, որ մտահոգում է:
Դրանք հատկապես բնակելի շենքերի հարեւանությամբ իրականացնելը վտանգավոր է:
Ամեն անգամ, երբ հրավառություն է լինում մեր շենքի մոտ, հիշում եմ` ինչպես մի քանի տարի առաջ Նոր տարվա գիշերը հրավառության հետևանքով մեր շենքի բնակիչներից մեկի տան վարագույրն այրվել էր: Բարեբախտաբար տան անդամները վնասվածքներ չէին ստացել:
Իհարկե, գեղեցիկ են հրավառությունները, բայց տգեղ և տհաճ է դրանց իրականացումը` հասարակական կարգը խախտելով և բնակիչներին անհանգստացնելով:
Արփինե Արզումանյան՝ (mynews.am)
