Եվրոպայի Խորհրդի Խորհրդարանական Վեհաժողովի (ԵԽԽՎ) Հայաստանի հարցով համազեկուցող Ակսել Ֆիշերը
Մեդիամաքս: Եվրոպայի Խորհրդի Խորհրդարանական Վեհաժողովի (ԵԽԽՎ) Հայաստանի հարցով համազեկուցող Ակսել Ֆիշերը մտահոգություն է հայտնել ՀՀ նախկին ԱԳ նախարար Վարդան Օսկանյանին պատգամավորական անձեռնմխելիությունից զրկելու եւ նրան «վիճելի քրեական մեղադրանքներ» առաջադրելու առիթով:
«Սա խորը մտահոգություն է առաջացնում հատկապես այն պնդումների լույսի ներքո, թե մեղադրանքն առաջադրելու գործում դեր են խաղացել քաղաքական շարժառիթները»,- ընդգծել է Ակսել Ֆիշերը:
«Այս մեղադրանքները կարող են նահանջ նշանակել քաղաքական կարգավորմանն ուղղված այն դրական միտումներից, որոնք նկատում էինք Հայաստանում մեկ ու կես տարվա ընթացքում: Ես նամակ եմ ուղարկել ՀՀ Ազգային ժողովի նախագահին՝ խնդրելով նրան հստակեցնել մեղադրանքները, ինչպես նաեւ Օսկանյանին պատգամավորական անձեռնմխելիությունից զրկելու ԱԺ որոշման հիմնավորումները»,- հայտարարել է Ակսել Ֆիշերը:
