Տավուշի մարզի սահմանամերձ Ոսկեպար գյուղի բնակիչներ Խաչատուր Գեւորգյանի 3 երինջները եւ նույն գյուղի բնակիչ Մարտիկ Գրիգորյանի մոզին մոտ մեկ շաբաթ առաջ հայտնվել էին հայ-ադրբեջանական սահմանին, Ոսկեպար գետի աջ ափին: Նշենք, որ խորհրդային տարիներին այդ տարածքում տեղակայված էր ադրբեջանական Աշաղի Աքսիպարա ( թարգմանաբար՝ Ներքին Ոսկեպար) գյուղի մեքենատրակտորային սարքավորումների հավաքատեղին: Մի քանի օր անց երինջներից մեկը եւ մոզին դուրս են եկել ականապատված, վտանգավոր գոտուց, վերադարձել գյուղ, իսկ 2 երինջները պայթելով ականների վրա՝ դեռեւս կենդանի գտնվում են նշված տարածքում: Այն փաստացի հանդիսանում է չեզոք գոտի: Այդ վտանգավոր գոտին ցածրադիր, մեկուսի տարածք է, ուր աշնանը խոտը կանաչ եւ փարթամ է մնացել: Դա հրապուրել է անասուններին:
Ոսկան ՍԱՐԳՍՅԱՆ
