Օգոստոսի 30-ին ՀՀ-ում ԱՄՆ դեսպանը հայաստանյան լրատվական կայքերից մեկին տված հարցազրույցում ասել է, որ իր երկրի կառավարությունն ամեն ինչով նպաստելու է, որպեսզի Հայաստանում գիտելիքահեն տնտեսություն լինի: Դա բավականին ուրախացրել է «Ղարաբաղ» կոմիտեի նախկին անդամ Աշոտ Մանուչարյանին, քանի որ նման տնտեսությունը ենթադրում է նաեւ համապատասխան կրթական համակարգ եւ ապահով երկիր: Սակայն մի քանի օր անց նույն լրատվամիջոցում Աշոտ Մանուչարյանը կարդում է մեկ այլ հայտարարություն, համաձայն որի՝ «Հայաստանը տնօրինող ադմինիստրացիան» որոշում է կայացրել փակել Ապարանի ֆիզմաթ դպրոցը: Համադրելով այս երկու հայտարարությունները՝ Աշոտ Մանուչարյանը եկել է այն եզրահանգման, որ ԱՄՆ-ն ընտրություններից առաջ պոպուլիստական հայտարարություն է արել կամ էլ թերանում է: Ուստի Մանուչարյանը ԱՄՆ դեսպանին հորդորում է անկեղծ լինել, եւ եթե իր կառավարությունը չի կատարելու տրված խոստումը կամ անտեսելու է այն, գոնե խորհուրդ տար մեզ՝ այլ երկրների կառավարությունների հետ համագործակցության ուղիներ փնտրել:
Նելլի ԳՐԻԳՈՐՅԱՆ
