Այսօր Սյունիքի մարզպետարանում Հայաստանում Ղազախստանի դեսպանության, գոբալիզացիայի եւ տարածաշրջանային համագործակցության վերլուծական կենտրոնի եւ Սյունիքի մարզպետարանի նախաձեռնությամբ` Հայաստան-Ղազախստան դիվանագիտական հարբերությունների հաստատման 20-ամյակի շրջանակներում, տեղի ունեցավ «Աշխարհը առանց միջուկային զենքի. Ղազախստանի եւ Հայաստանի միջազգային ջանքերը», «Հայաստանի եւ Ղազախստանի միջև 20 տարվա
համագործակցություն եւ փոխըմբռնում» թեմաներով կոնֆերանս:
Կազմակերպիչները կոնֆերանսի անցկացման վայրն ընտրելիս հաշվի են առել այն փաստը, որ Սյունիքը ստրատեգիական նշանակություն ունեցող կենտրոն է: Կոնֆերանսի ժամանակ ներկայացվեցին միջուկային զենքից հրաժարվելու ուղղությամբ Ղազախստանի կողմից ձեռնարկած քայլերը, դրան միտված նախաձեռնությունները, մանրամասն խոսվեց Հայաստան-Ղազախստան սերտ ու վստահության վրա հիմնված համագործակցության ու առկա առաջընթացի մասին, միաջազգային մակարդակի կարեւոր միջոցառումների ժամանակ Ղազախստանի կատարած գնահատելի քայլերի ու դրանց դրական հետեւանքների մասին եւ այլն:
«Այսօր քաղաքական երկխոսութունը Հայաստանի եւ Ղազախստանի միջեւ գտնվում է ամենաբարձր կետում»,-նշեց Հայաստանի Հանրապետությունում Ղազախստանի Հանրապետության արտակարգ եւ լիազորդեսպան Այիմդոս Բոզժիգիտովը:
Նա նաեւ տեղեկացրեց, որ Ղազախստանում մեծ թվով հայեր են ապրում, որոնք նաեւ որակյալ կադրեր են եւ նշանակալի դերակատարում ունեն գրեթե բոլոր ոլորտներում: Վերջին 20 տարիների ընթացքում 8 անգամ ավելացել է Ղազախստանում մշտական ապրող հայերի թիվը: Ըստ պաշտոնական տվյալների` 30 հազար հայ է ապրում այդ երկրում, որոնք մյուսների հետ հավասար օգտվում են բոլոր արտոնություններից ու հնարավորություններից: Թեւեւ Հայաստան-Ղազախստան հարաբերությունները շատ սերտ են, բայց Հայաստանից-Ղազախստան հասնելն է շատ դժվար` առանց ուղիղ չվերթի առկայության: Ղազախստանից-Հայաստան կամ հակառակ ուղղությամբ տեղափոխվելիս մարդիկ ստիպված են լինում մի քանի չվերթ իրականացնել, քանի որ այդ խնդիրը այսքան տարիների ընթացքում այդպես էլ չի հաջողվել լուծել:
Կոնֆերանսի մասնակիցները դեսպանին հղեցին իրենց հետաքրքրող հարցերը` կրթական, էկոլոգիական, առողջապահական եւ այլ ոլորտներից: Սյունիքի փոխմարզպետը կարեւորեց երկու երկրների միջեւ առկա գործնական-բարեկամական հարաբերությունները եւ նշեց, որ չպետք է բավարարվել կոնֆերանսների անցկացմամբ, այլ քայլեր ձեռնարկել կապերն ավելի ամրապնդելու համար: Իսկ այդ ուղղությամբ, նախաքան կոնֆերանսը, մարզպետարանի ներկայացուցիչների եւ մարզ այցելած հյուրերի միջեւ որոշակի համաձայնություններ ձեռքբերվեցին` այդ թվում նաեւ համագործակցություն Սյունիքի մարզի եւ Ղազախստանի վարչական միավորներից մեկի հետ, որն ավելի կխորացնի ու կամրապնդի եղած հարաբերությունները:
Կարդացեք նաև
Մերի ՍՈՂՈՄՈՆՅԱՆ
