«Դը Բուդապեշտ թայմս» թերթը գրում է, որ Հունգարիայի մարդու իրավունքների պաշտպան Մատի Սաբոն հինգշաբթի ասել է, որ Սաֆարովի հայրենադարձության հետ կապված տեղեկատվություն ստանալու իր հայցին արդարադատության նախարարությունը 15 օրվա ընթացքում չի արձագանքել: Նախարարությունից պատասխանել են, որ արդարադատության նախարար Տիբոր Նավռաչիչը անմիջապես պատասխանել է Սաբոյի սեպտեմբերի 19-ի նամակին՝ խնդրելով, որ Օմբուդսմենը պաշտոնական հայց ներկայացնի գաղտնի փաստաթղթերին մուտք գործելու համար:
Սաբոն իր նամակում նշել էր, որ հունգարական օրենսդրությունը հանցագործի հայրենադարձությունը թույլ չի տալիս առանց հավաստիության, որ նա իր պատժի մնացած մասը կշարունակի կրել: Սաֆարովի սկանդալի ժամանակ կառավարության հրապարակած փաստաթղթում ադրբեջանական կողմից չկար որևէ հավաստիացում, որ մարդասպանը ներում չի ստանա, գրում է թերթը:
Պատրաստեց Հովհաննես Իշխանյանը
Կարդացեք նաև
