Ֆուտբոլի Ուկրաինայի առաջնության 11-րդ տուրում Դոնեցկի «Շախտյորն» արտագնա խաղում 11-րդ հաղթանակը տարավ՝ 2:0 հաշվով հաղթելով Խարկովի «Մետալիստին»: Հանդիպման 26-րդ րոպեին հաշիվը բացեց Հայաստանի ազգային հավաքականի ֆուտբոլիստ Հենրիխ Մխիթարյանը՝ ավելի ամրապնդվելով երկրի առաջնության լավագույն ռմբարկուի դիրքում: Մխիթարյանը 11 հանդիպումներում մրցակիցների դարպասն ուղարկել է 14 գնդակ::
Հանդիպումից հետո «Շախտյորի» գլխավոր մարզիչ Միրչա Լուչեսկուն, խոսելով Հենրիխ Մխիթարյանի մասին, ասել է. «Ես գոհ եմ, որ նա կատարում է իր բոլոր հանձնարարությունները: Ես պնդում էի, որպեսզի Մխիթարյանը հայտնվի «Շախտյորում», քանի որ տեսնում էի նրա որակները, որ ֆուտբոլիստը չի կարողանում բացահայտել «Դնեպրում»: Մխիթարյանը գրագետ ֆուտբոլիստ է»:
Աշոտ ՀԱԿՈԲՅԱՆ
