Հոկտեմբերի 6-ի առավոտյան, ժամը 08.30-ի սահմաններում ավտովթար է տեղի ունեցել Իջեւան-Բերդ ավտոճանապարհին, Այգեհովիտ-Վազաշեն հատվածի 6-րդ կիլոմետրին: Իրար են բախվել Բերդի տարածաշրջանի Մովսես գյուղի բնակչին պատկանող «ՎԱԶ-2106» մակնիշի ավտոմեքնան եւ Երեւանի բնակչի պատկանող «Օպելը»: Վթարի հետեւանքով «ՎԱԶ-2106» ավտոմեքենայի մովսեսցի վարորդը մահացել է, երկու մեքենաների 6 ուղեւորներ վնասվածքներով տեղափոխվել են Իջեւանի բժշկական կենտրոն: Դեպքի վայրում են գտնվում Իջեւանի ոստիկանապետ Ստեփան Մելքոնյանը, պետավտոտեսչության աշխատակիցներ: Վթարի կապակցությամբ քննություն է կատարվում:
Ոսկան ՍԱՐԳՍՅԱՆ
