«Բելառուս դայջեսթ» լրատվականը գրում է, որ այս շաբաթ Ալեքսանդր Լուկաշենկոն կորցրեց իր ամենակարևոր դաշնակիցներից մեկին՝ Միխայիլ Սահակաշվիլիին, որը պարտվեց խորհրդարանական ընտրություններում ու կդառնա ընդդիմություն: Բելառուսի նախագահը իր հիացմունքն է արտահայտել Սահակաշվիլիի նկատմամբ, որը պատրաստ էր հրաժարվել իշխանությունից:
Ըստ լրատվականի, Սահակաշվիլին կարևոր օղակ էր Բելառուսի և Արևմուտքի միջև կապ հաստատելու համար: Իհարկե, Լուկաշենկոն հայտնի է ռուսական ինտեգրման գաղափարներով, մինչդեռ Սահակաշվիլին հետխորհրդային երկրներում արևմտյան քաղաքականության խորհրդանիշն էր: Առաջին հայացքից անհավանական է թվում այդ նախագահների միջև փոխհարաբերությունը: Սակայն նրանց համագործակցությունը իմաստային է ու շատ բան է ասում բելառուսյան ռեժիմի ու հետխորհրդային երկրների միջազգային հարաբերությունների նրբությունների մասին:
Լրատվականը հիշեցնում է, որ Սովետական Միության փլուզումից հետո Վրաստանը հեռու էր մնում ռուսական ինտեգրումից: Այդ տարիներին Բելառուսը ամբողջ տարածաշրջանից միայն Հայաստանի հետ էր լավ հարաբերություններ պահպանում: Բելառուսը ռուսամետ արտաքին քաղաքականություն էր վարում: Այն ժամանակ Թբիլիսին ոչինչ չուներ Բելառուսին առաջարկելու:
Կարդացեք նաև
