ՀՀԿ փոխնախագահ Գալուստ Սահակյանը հայտարարել է, թե Ռռբերտ Քոչարյանի տարածած հայտարարության հեղինակը երեւի ինքը չէ, որովհետեւ դա «Քոչարյանի բնավորությունը չի, նրա բառապաշարը չի»։
«ՉԻ»- Այս հարցում Գալուստ Սահակյանի կարծիքը պետք է շատ լուրջ ընդունել, մարդը երկար ժամանակ աշխատել է դպրոցում եւ լավ գիտի, թե ինչպես պետք է տարբերել արտագրածն ինքնուրույն շարադրությունից։ Եվ իսկապես էլ՝ եթե Ռոբերտ Քոչարյանն ինքնուրույն գրեր հայտարարության տեքստը, երեւի կգրեր ոչ թե խորհրդարանի ինքնավարկաբեկման, այլ վիզկապ կապած բառաչող կովերի մասին, ովքեր չիմանալով, թե ինչն է խանգարում վատ պարողին՝ խորհրդարանում մաշում են իրենց մեջքից ներքեւ փափուկ տեղը ու չեն մտածում, որ հետագայում իրենց կլիզմա են անելու։ Ա՛յ դա կլիներ Քոչարյանի բնավորությանն ու բառապաշարին համապատասխանող տեքստ։
Ի դեպ, Սերժ Սարգսյանի ելույթների տեքստերն էլ կարծես ինքն անձամբ չի գրում։ Համենայն դեպս դրանցում խաղադրույքների ու ֆլեշ-ռոյալի մասին ոչ մի հիշատակում չկա:
«Չորրորդ ինքնիշխանություն»
