Արդոք ՀՅԴ-ն առաջադրելո՞ւ է իր թեկնածուին Գյումրիում եւ Երեւանում: Այսօր ԱԺ-ում հրավիրած ճեպազրույցում ՀՅԴ խմբակցության պատգամավոր Աղվան Վարդանյանը պատասխանեց, որ երկուշաբթի օրվանից է սկսվելու առաջադրումը. «Մենք կնայենք մեր հնարավորությունները, մեր թեկնածուների հնարավորությունները, ձեզ կտեղեկացնենք: Պետք է նկատի ունենալ Հայաստանում վերջին ընտրությունների բնույթը»:
Ըստ պարոն Վարդանյանի, լուրեր տարածվեցին, թե բացառված չի, որ Գյումրիի քաղաքապետ դառնա Սամվել Բալասանյանի որդին: ՀՀԿ-ն շատ էլ ուշադրություն չդարձրեց այդ կողմնակի առաջարկին:
Նա նշեց, որ ընդհանրապես քաղաքական կոալիցիան վատ վիճակում է եւ առաջիկայում սպասվում են խնդիրներ: Հարցին՝ կմանրամասնե՞ք ինչ նկատի ունեք՝ նա պատասխանեց. «Ոչ, չեմ մանրամասնի: Հունիսին մեզ ասում էին՝ ի՞նչ անենք, որ հինգ հոգի եք, շատ լինեիք…այսպիսի բաներ: Մենք ասեցինք 16 հոգի էլ լինեինք՝ նույնն էր լինելու, ոչինչ չէր լինելու: Խնդիրը ձերն է, ձեր մեջ է: Այդպես էլ եղավ»:
Կարդացեք նաև
Լրագրողները խնդրեցին գնահատել Գագիկ Ծառուկյանի բացակայությունը՝ Վարդան Օսկանյանի հարցի քննարկմանը. «Չեմ կարող ասել Ծառուկյանի բացակայության պատճառները, գնահատական չեմ կարող տալ: Տրամաբանական կլիներ այդ օրը նրա՝ դահլիճում լինելը»:
Ինչ վերաբերում է Ռոբերտ Քոչարյանի հայտարարությանը՝ այդ առնչությամբ՝ նա նշեց, որ հայտարարության մեջ արդեն ամեն ինչ ասված է. «Ակհայտ է, որ հայտարարության մեկնաբանությունները բոլորը մեկ կենտրոնից ղեկավարվող են»
Հռիփսիմե ՋԵԲԵՋՅԱՆ
