Այսօր ԱԺ-ում հրավիրած ասուլիսում լրագրողները Ռուբեն Հակոբյանից հետաքրքրվեցին «Ժառանգություն» – «Ազատ դեմոկրատներ» խնդրից՝ մանավանդ, որ վերջին օրերին նրանցից շատերը բացակայում էին նիստերից: Նրա խոսքերով՝ «Ընդհանրապես լուրջ որեւէ բան չի կատարվում: Ես եւ Ալիկ Արզումանյանն էինք: Խաչիկ Քոքոբելյանը Հայաստանում չի, Րաֆֆի Հովհաննիսյանը մանդատ չի վերցրել եւ դեռ պաշտոնապես չի ձեւակերպվել, որ Թեւան Պողոսյանը պետք է գա խորհրդարան: Ես եւ Ալիկ Արզումանյանը մասնակցեցինք այս հարցերին: Ինչ-որ հարցեր կան, հարցերի պատասխանները ամբողջական կլինեն, երբ Խաչիկ Քոքոբելյանը վերադառնա»:
Հարցին՝ հակասություններ կա՞ն ամեն դեպքում՝ պրն Հակոբյանը պատասխանեց. «Հիմնական հակասություններ չկան, բայց որոշ հարցեր կան, որոնք պետք է շտկվեն: Պայմանավորվածություն մանդատը վայր դնելու իհարկե, եղել է: Ես չեմ ուզում դրան անդրադառնալ: Ճիշտ կլինի առաջին դեմքերի մակարդակով այդ մասին ասեն»:
Հռիփսիմե ՋԵԲԵՋՅԱՆ
Կարդացեք նաև
