Նման կարծիք են հայտնել հասարակական կարծիքի հարցումների մասնակիցները
Ամերիկացի ընտրողների համաձայն, Մասաչուսեթսի նախկին նահանգապետ Միթ Ռոմնին հաղթանակած է դուրս եկել 2012 թվականին ԱՄՆ-ում ծավալված ընտրապայքարի ընթացքում անցկացված առաջին բանավեճից:
«Սի-Էն-Էն» լրատվական գործակալության կողմից 430 գրանցված քվեարկողների 67 տոկոսի կարծիքով, Ռոմնին հաղթանակած է դուրս եկել առաջին հեռուստաբանավեճից: Ի տարբերություն, ԱՄՆ-ի նախագահ Բարաք Օբամայի մասին նույն կարծիքն ունեն հարցման մասնակիցների ընդամենը 25 տոկոսը:
«Սի-Բի-Էս» գործակալության կողմից նախագահական նախընտրած թեկնածու դեռևս չունեցող 500 քվեարկողների հարցման արդյունքների համաձայն, առաջատար դիրքերում նույնպես հայտնվել է Միթ Ռոմին: Այս մասին հայտնել է այս հարցման մասնակիցների 46 տոկոսը, մինչդեռ նախագահ Օբամայի հաղթանակած լինելու մասին կարծիք է հայտնել ընտրողների ընդամենը 22 տոկոսը, իսկ հարցման մասնակիցների 32 տոկոսն ասել է, թե «չի կողմնորոշվել» :
Կարդացեք նաև
Առաջին հեռուստաբանավեճից հետո ԱՄՆ-ի նախագահ Բարաք Օբաման և հանրապետական իր մրցակից Միթ Ռոմնին վերսկսել են ճանապարհորդությունները՝ փորձելով նվաճել ամերիկացիների ձայները նոյեմբեր ամսին կայանալիք ընտրություններից առաջ:
Միթ Ռոմնին, կոնգրեսմեն Փոլ Ռայանը հետ մասնակցում են Վիրջինիա նահանգում անցկացված հանրահավաքի: Նախագահ Օբաման օրը սկսել է Կոլորադո նահանգի Դենվեր քաղաքում, որտեղ նախորդ երեկո անցկացվել է հեռուստաբանավեճը, իսկ օրվա երկրորդ կեսին մեկնելու է կոնգրեսական Ռայանի հարազատ Վիսկոնսին նահանգ:
Արմեն Հովհաննիսյան
«Ամերիկայի Ձայն»
