Հոկտեմբերի 4-ին Տավուշի մարզպետ Արմեն Ղուլարյանը ժամանել է Բերդի տարածաշրջան:
Տավուշի մարզպետարանի ինտեներտային կայքում այդ մասին տեղեկատվություն չկա: Բերդի մեր աղբյուրները հայտնում են, որ Բերդի քաղաքապետարանի առաջ մարզպետին չեն դիմավորել:
Սեպտեմբերի 23-ին կայացած ՏԻՄ ընտրություններում պարտված Բերդի քաղաքապետ Անդրանիկ Շառյանը աշխատանքի չի գալիս: Որոշ տեղեկությունների համաձայն՝ նրա եւ մարզպետ Արմեն Ղուլարյանի միջեւ տնտեսական համատեղ գործունեության հետ կապված խնդիրներ կան: Բերդի բնակիչների շրջանում դժգոհություն է առաջացրել այն, որ մարզպետ, ՀՀԿ մարզային կազմակերպության ղեկավար Արմեն Ղուլարյանը չի շնորհավորել ՀՀԿ Բերդի տարածքային կազմակերպության ղեկավար Անդրանիկ Շառյանի նկատմամբ ձայների գրեթե եռակի առավելությամբ քաղաքապետ ընտրված Հարություն Մանուչարյանին, ով նույնպես ՀՀԿ անդամ է:
Մարզպետը մտել է Բերդի քաղաքապետարանի շենքի առաջին հարկում գտնվող զինկոմիսարիատ, Բերդի տարածաշրջանում Տավուշի մարզպետարանի ներկայացուցիչ Դավիթ Մխիթարյանի հետ շրջել քաղաքի մանկապարտեզի եւ քոլեջի տարածքում, ուր վերանորոգման աշխատանքներ են կատարվում: Այնուհետեւ Ա. Ղուլարյանը եղել է Արծվաբերդ գյուղում, մասնակցել խաչքարի բացման արարողությանը:
Կարդացեք նաև
Ոսկան ՍԱՐԳՍՅԱՆ
