Ավան և Նոր Նորք վարչական շրջանների ընդհանուր իրավասության դատարանում դատավոր Արմեն Վարդապետյանի գլխավորությամբ սկսվել է «Հարսնաքարը» պայթեցնելու փորձ կատարած ՀՀ ՊՆ N զորամասի հրամանատարի մարտական գծով տեղակալ, փոխգնդապետ Վարդան Սամվելյանի դատական նիստը: Այսօր հրապարակվելու է դատավճիռը, ինչը հրապարակելուց առաց դատավորը լսեց Սամվելյանի պաշտպան Հովհաննես Հարությունյանին: Նա ասաց, որ լրացել է իր պաշտպանյալի ազատազրկման նվազագույն 3 ամիս ժամանակահատվածը , ապա խնդրեց դատավորին դա հաշվի առնելով՝ այսօր դատական նիստից հետո դատարանից ազատ արձակել Սամվելյանին:
Վ. Սամվելյանն էլ հիշեցրեց, որ նախորդ դատական նիտին էլ իր զղջումն է հայտնել, որ նախապես ձեռք բերած ռազմամթերքը ժամանակին չի հանձնել իրավապահներին: Նա նաեւ ներողություն խնդրեց ու դատավորին խնդրեց հաշվի առնել, որ իր մոտ եղած զինամթերքով վնաս է հասցրել միայն իրեն ու իր ընտանիքին եւ զրկվել սիրած աշխատանքից:
Քիչ առաջ դատավորը գնաց խորհրդակցության սենյակ եւ դատավճիռը կհրապարակի մեկ ժամից:
Կարդացեք նաև
Հիշեցնենք, որ Վ. Սամվելյանը «Հարսնաքարը» պայթեցնելու փորձ էր արել հուլիսի 1-ին՝ գործընկերոջ՝ Վահե Ավետյանի մահից հետո:
Արփինե ՍԻՄՈՆՅԱՆ
