ԱԺ նիստին ՀԱԿ պատգամավոր Արամ Մանուկյանը մի շարք փաստեր ներկայացրեց՝ ցույց տալով, թե 2011-ին ինչքան է վատացել կենսամակարդակը եւ որքան ձախողված է այս կառավարությունը: Բայց նրա դիտարկմամբ՝ 2011-ի համար պատասխանատու է Հարություն Քուշկյանը, ուստի անհասկանալի է՝ ինչպե՞ս պետք է 2011-ի ձախողումների համար պահանջեն կառավարության հրաժարականը, երբ նա այլեւս չկա եւ նրան փոխարինում է Դերենիկ Դումանյանը: Քուշկյանի համար Դումանյանը ո՞նց պատասխան տա. «Հարց է առաջանում՝ Դումանյանն ինքը պատասխանատո՞ւ է Քուշկյանի չարածի համար, եթե Քուշկյանը չի կատարել իր պարտականությունները: Ասենք, Տիգրան Սարգսյանը չի այսօրվա վարչապետը, այլ՝ Սարգիս Տիգրանյանը: Վարչապետը ինչպե՞ս պետք է պատասխան տա նախորդ վարչապետի համար, որ 2011-ը ձախողել է»:
Ուստի ներկայացնելով ՀԱԿ խմբակցության տեսակետը՝ Արամ Մանուկյանը նշեց, որ մենք հիմա կատարելու ենք մի քվեարկություն, որը բովանդակային առումով անիմաստ է:
Այնուամենայնիվ, 2011-ի բյուջեի կատարողականի համար քվեարկությունը կատարվեց, եւ 70 կողմ, 6 դեմ-ով եւ ոչ մի ձեռնպահ քվեարկությամբ որոշումն ընդունվեց:
Կարդացեք նաև
Հռիփսիմե ՋԵԲԵՋՅԱՆ
